Goizean goiz hodeiak ugariak izango badira ere, nahiko giro lasaia izango da. Goiz erdian ordea, fronte bat iritsiko da, zerua erabat estalirik geratuko da eta euritara joko du.
Arratsaldean zehar zaparradak izango dira, non tarteka gogotik egingo duen. Gauean atertzera egingo du. Haizeak ipar-mendebaldetik joko du eta tenperatura jaitsi egingo da, 19-20 graduan joaz goia.
Giro motela izango dugu bihar. Egun osoan zehar hodeiak oso ugariak izango dira eta hodei hauek tarteka euri zaparrada txiki batzuk utziko dituzte, bereziki goiz erditik aurrera eta egunaren erdiko orduetan. Gauean berriz ere atertzera egingo du. Ipar/ipar-mendebaldeko haizearen eraginpean jarraituko dugu eta tenperatura are gehiago jaitsiko da, 17-19 graduan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
