Goizean haizeak hego-ekialdetik joko du, arratsaldean aldiz iparraldetik. Tenperatura igo egingo da eta 25-27 graduan joko du goia eguneko erdiko orduetan.
Giro lasaia izango dugu bihar. Goizean hodei baxu batzuk agertuko dira, baina goizean zehar desagertzeko joera izango dute eta eguerdirako giro eguzkitsua izango dugu. Arratsaldean zeruan urdina nagusituko da, baina azken orduetan berriz ere behe-hodeiak agertuko dira. Hala ere, ez da euririk espero. Haizeak goizean hego ukitu bat izango du, arratsaldean aldiz ipar-ekialdetik finkatuko da. Tenperatura antzeko balioetan kokatuko da, 25-26 graduan joaz goia.
Egun osoan zehar goi-mailako hodei fin batzuk ikusiko ditugu, baina hauek ez diote trabarik egingo eguzkiari eta giro eguzkitsua nagusituko zaigu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!