2022ko eka. 8a, 06:59
Goizean goi-hodeiak ugariak izango dira, baina giro argia izango dugu. Goizean bertan behe-hodeiak ugaritzen joango dira, eguerdirako zerua estalirik geratuko da eta arratsaldean zehar tantaren bat edo beste botako du.
Ipar/ipar-mendebaldeko haizearen eraginpean jarraituko dugu eta tenperatura jaitsi egingo da, 21-22 graduan joaz goia.
Hobetzeko joera hartuko du eguraldiak bihar. Goizean oraindik hodei asko izango da eta tarteka euri langar pixka bat izango dugu. Eguerditik aurrera erabat ateri egongo da eta ostarte batzuk zabalduko dira, giro argia izango dugularik arratsaldean. Ipar-mendebaldeko haizea ibiliko da eta tenperaturak koska bat egingo du gora, 22-23 graduan joaz goia.
2022 eka 08
Tolosaldea
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!