Goizean erdi eta goi-mailako hodeiak ugariak izango dira, baina orokorrean giroa argia eta polita izango da. Arratsaldean zehar ordea, bero-hodeiak azkar batean garatuko dira eta ekaitzetarako joera nabarmena hartuko du, non tarteka ekaitz handi xamarrak izango diren, kazkabarra botatzea baztertu gabe.
Goizean haizea aldakor xamar ibiliko da, baina arratsaldean iparraldera egingo du. Tenperatura koska bat jaitsiko da, 27-28 graduan joaz goia.
Giro motela izango dugu bihar. Egun osoan zehar hodeiak jaun eta jabe izango dira zeruan eta tarteka euri pixka bat ere utziko dute. Euri gutxi egingo du eta gehienbat eguneko erdiko orduetan egingo du eta euri txiki edo euri langar modura. Ipar/ipar-mendebaldeko haizea ibiliko da eta tenperatura nabarmen jaitsiko da, 20-21 graduan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
