Antzeko giroa

Erabiltzailearen aurpegia

Goizean goi-mailako hodei batzuk eta hodei baxuren bat edo beste salbu, eguraldi polita izango da. Arratsaldean zehar bero-hodeiak garatzen joango dira eta ez da baztertzen egunaren amaieran ekaitz isolaturen bat lehertzea.

Hala ere, aukera oso txikia da eta gehienean ateri eutsiko dio. Hego-ekialdeko haizea ibiliko da eta tenperaturak koska bat gora egingo du, 26-27 gradutan joko duelarik goia.

Uda beteko eguraldia izango dugu bihar. Goizean erdi eta goi-mailako hodeien presentzia nahiko handia izango da eta tarteka zeruari kolore zurixka emango diote. Hala ere, giro lasaia izango da. Arratsaldean zehar bero-hodeiak garatzen joango dira eta arratsalde erditik aurrera ekaitzetarako joera hartuko du, non tarteka ekaitzen bat edo beste izango den. Hego-haizea ibiliko da eta tenperatura igo egingo da, 28-30 gradutan joaz goia. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!