Goizean hego-haizea ibiliko da; arratsaldean aldiz, iparraldekoa. Tenperatura igo eta 26-28 graduan joko du goia, txokoren batean gorago kokatzea baztertu gabe.
Giro nahasiagoa izango dugu bihar. Goizean erdi eta goi-mailako hodeiak ugariak izango dira, baina ostarteekin tartekatuko dira eta eguraldi lasaia izango dugu. Arratsaldean zehar bero-hodeiak garatuko dira eta azken orduan ekaitzen bat lehertzeko aukera txiki bat dago. Hala ere, gehienean ateri eutsiko dio. Hego-ekialdeko haizea ibiliko da eta tenperatura zertxobait jaitsiko da, 25-26 graduan joaz goia.
