Ipar-haizearen eraginpean jarraituko dugu eta tenperatura zertxobait jaitsi egingo da, 19-20 gradutan joko dutelarik goia.
Giro atsegina izango dugu bihar. Goizean hodei batzuk agertuko dira, baina eguerdirako ostarte zabalak izango ditugu. Arratsaldeko lehen orduetan erdi eta goi-mailako hodeiak ugaritu egingo dira, baina ez dute euritarako joerarik ekarriko eta azken orduetan berriz ere ostarte politak izango ditugu. Ipar-haizeak joko du eta tenperatura antzeko mantenduko da, 19-20 gradutan joaz goia.