Hala ere, ezer gutxi izango da eta arratsaldearen gehienean ateri egongo da. Haizeak goizean hego-mendebaldetik joko du, arratsaldean aldiz ipar-mendebaldetik. Tenperatura beste pixka bat igoko da, 12-13 graduan joaz goia.
Udaberri sasoiko giro ederra izango dugu bihar. Egun guztian zehar zeruan goi-hodei batzuk agertuko dira, tarteka zeruari kolore zurixka emanez, baina ez diote trabarik egingo eguzkiari eta eguraldi eguzkitsua izango da egun osoz. Hego-mendebaldeko haizea ibiliko zaigu, tarteka bizi eta tenperaturaren gorakada nabarmena izango da, non 21-23 gradu bitartean joko duen goia eguneko erdiko orduetan.
