Ipar-mendebaldeko haizea zakar ibiliko da eta tenperatura jaitsi egingo da, maximoak 10-12 graduan joko dutelarik goia. Azken orduetan elur-maila 800 metroren bueltan kokatuko da.
Negu beteko giroa izango dugu bihar. Egun osoan zerua estalita egongo da eta euri zaparradak ugariak izango dira, non mardul botako duen eta tarteka ekaitzak joko duen, kazkabar eta guzti. Elur-maila goizean goiz 200-300 metrotan kokatuko da. Eguneko erdiko orduetan 500-600 metrotara egingo du, baina azken orduetan berriz ere 200-300 metrotara jaitsiko da. Ipar haizeak oso zakar joko du eta tenperatura jaitsi egingo da, nekez gaindituko dituztelarik 5-7 graduak.
