Ipar-mendebaldeko haizearekin jarraituko dugu, arratsaldean zakarrago ibiliko delarik. Tenperatura antzeko mantenduko da, 14-15 graduan joaz goia.
Giro makurra izango dugu bihar. Goizean goizetik zerua oso estalirik egongo da eta euria egingo du. Egun osoan izango dira zaparradak, baina ugariago eta mardulago egingo du egunaren bigarren zatian, non azken orduetan ekaitzak jo eta zaparrada gogorragoak bota ditzakeen, kazkabar eta guzti. Ipar-mendebaldeko haizea zakar ibiliko da eta tenperaturak jaitsi egingo dira, maximoak 10-12 graduan joko dutelarik goia. Azken orduetan elur-maila 800 metroren bueltan kokatuko da.
