Haizeak hego-ekialdetik tarteka zakar joko du eta tenperatura maximoek nabarmen egingo dute gora, eguneko erdiko orduetan 17-19 gradu bitartean joko dutelarik goia.
Giro lasaiarekin jarraituko dugu bihar. Goizean eta azken orduetan hodei gehiago ikusiko dugu zeruan, baina eguneko erdiko orduetan ostarteak nagusituko dira eta eguraldi eguzkitsua izango dugu orokorrean. Hego-ekialdeko haizeak indartsu jotzen jarraituko du eta tenperatura maximoek beste koska bat egingo dute gora, 18-20 graduan joaz goia eguneko erdiko orduetan.