Ipar-mendebaldeko haizea zakar ibiliko da eta tenperatura balio altuenak nabarmen jaitsiko dira, 10-12 graduan joko dutelarik goia eguneko erdiko orduetan.
Altxatzeko joera hartuko du eguraldiak bihar. Goizean oraindik hodeiak ugariak izango dira eta euri txiki modura zertxobait bustiko du. Eguerditik aurrera atertu eta ostarteak zabalduko dira, eguna giro lasaiarekin amaituko dugularik. Haizeak goizean iparraldetik joko du, arratsaldean aldiz ipar-ekialdetik eta tenperatura zertxobait igoko da, 12-13 graduan joaz goia.
