Orduan atertzeko joera hartuko du eta ostarte batzuk zabalduko dira eguna amaitzerako. Haizeak goizean hegotik joko du, arratsaldean aldiz mendebaldetik. Tenperatura jaitsi eta nekez gaindituko ditu 13-14 graduak.
Giro eguzkitsua izango dugu bihar. Goizean hodeiren bat edo beste agertuko bada ere, eguzkiak xurgatuko ditu eta giro eguzkitsua nagusituko da. Arratsaldean zehar erdi eta goi-mailako hodei batzuk ikusiko ditugu, baina ez diote eguzkiari trabarik egingo eta giro argia izango da. Hego-haizea ibiliko da eta tenperaturak nabarmen gora egingo du, 17-18 graduan joaz goia.