Haizeak ipar-mendebaldetik harro joko du, tarteka bolada zakar batzuk utziko dituelarik. Tenperatura are gehiago jaitsiko da eta ez da 9-10 gradutik pasako eguneko erdiko orduetan. Elur-maila egunean zehar 1.000 metrotan kokatuko da eta azken orduetan 800-900 metrotan.
Eguraldi nahasiarekin jarraituko dugu bihar. Egun osoan zehar hodeiak eta ostarteak tartekatuko dira eta tarteka-tarteka euri zaparrada batzuk izango ditugu, orokorrean ahulak izango direlarik. Ipar-mendebaldeko haize biziarekin jarraituko dugu eta tenperatura antzeko balioetan mugituko da, 9-10 gradutan joaz goia eguneko erdiko orduetan. Elur-maila goizean 700-800 metrotan kokatuko da, baina arratsaldean zertxobait igoko da.
Egun osoan zehar zeruan hodeiak nagusituko dira eta hodei hauek zaparradak utziko dizkigute, ugariagoak izango direlarik egunaren lehen zatian.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!