Haizeak goizean iparraldetik joko du, arratsaldean aldiz ipar-ekialdetik eta bizi. Tenperatura maximoak jaitsi egingo dira eta ez dira 9-10 gradutik pasako. Gauean asko hoztuko du.
Giro eguzkitsua izango dugu bihar. Goizean hodeiren bat edo beste izango da zeruan, baina eguerdirako eguzkiak xurgatuko ditu eta arratsaldean zeru urdina izango dugu. Azken orduetan hori bai, erdi eta goi-mailako hodeiak ugarituko dira. Hala ere, ez dute inolako ondoriorik ekarriko. Haizeak hego-ekialdetik joko du, tarteka bizi eta tenperatura igo egingo da, 15-17 graduan joaz goia.
Giro lasaia izango dugu etzi. Goizean hodei dezente izango da zeruan, baina ez dute inolako ondoriorik ekarriko eta eguraldi lasaia izango dugu. Arratsaldean zehar hodei hauek desagertzeko joera hartuko dute eta giro eguzkitsua nagusituko da. Hego-haizearen eraginpean jarraituko dugu eta tenperatura antzeko balioetan mugituko da, 15-17 graduan joaz goia.