Haizeak goizean hego-ekialdetik joko du, arratsaldean aldiz ipar-ekialdetik. Tenperatura beste pixka bat igo eta 16-17 graduan joko du goia.
Kaskartzera egingo du eguraldiak bihar. Goizean erdi eta goi-mailako hodeiak ugariak izango dira, baina ateri eutsiko dio. Eguerditik aurrera ordea, hodei baxuek zerua estaliko dute eta arratsaldean euritara joko du. Zaparradak ahulak izango dira eta gehienbat arratsalde erditik aurrera botako du. Haizeak goizean hego-mendebaldetik joko du, arratsaldean aldiz ipar-mendebaldetik. Tenperatura jaitsi eta ez da 13-14 gradutik pasako.
