Zaparradak tarteka mardulak izango dira, batez ere, azken orduetan. Goizean hego-haize zakarra ibiliko da; arratsaldean aldiz ipar-mendebaldera egingo du. Tenperatura maximoak 16-18 gradutan mugituko dira, baina arratsaldean nabarmen freskatuko du.
Giro euritsua izango dugu bihar. Goizean hego-mendebaldeko haizearekin euri zaparradak ez dira indartsuak izango eta aterruneak izango dira. Arratsaldean ordea, haizeak ipar-mendebaldera egin eta euritarako joera handia hartuko du. Zaparrada mardulak izango dira eta sarri eta gogotik botako du. Elur-maila 1.000 metrotan kokatuko da, baina azken orduetan 800-900 metrotara jaitsiko da. Tenperatura ez da 10-11 gradutik pasako.