Giro motelagoa

Erabiltzailearen aurpegia Iker Ibarluzea 2022ko urt. 19a, 06:59

Goizean hodeiak eta ostarteak tartekatuko dira, baina giro argia izango dugu. Eguerditik aurrera hodeiak ugaritu egingo dira, zerua nahiko estalirik utziko dute eta ez da baztertzen azken orduan euri txiki modura zertxobait bustitzea.

Haizeak aldakor joko du goizean eta iparraldetik arratsaldean. Tenperaturan ez da aldaketarik emango, 9-10 graduan errendituko delarik.

Giro triste eta hotza izango dugu bihar. Egun osoan zeruan hodeiak nagusituko dira eta tarteka euri pixka bat izango dugu, bereziki goizean eta euri txiki modura. Haizeak ipar/ipar-ekialdetik joko du eta tenperatura jaitsi egingo da, balio altuenak nekez pasako direlarik 7-9 gradutik. Azken orduetan egiten duena 900 metrotik gora elurretan izango da.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!