Zeruan egun osoan zehar erdi eta goi-mailako hodeiren bat edo beste agertuko bada ere, ostarteak zabalak izango dira eta beste egun batez jarraian eguraldi ederra izango dugu.
Hego-haizeak indarra hartu eta tarteka zakar joko du. Tenperatura antzeko balioetan mugituko da, 16-17 graduan joaz goia.
Giro zikinagoa izango dugu bihar. Goizean ostarte politak izango ditugu, baina eguerditik aurrera zerua erdi eta goi-mailako hodeiez estaliko da eta arratsaldean giro motelagoa izango dugu. Hala ere, hodei hauek ez dute euririk ekarriko eta giro lasaiak jarraipena izango du. Haizeak hegotik zakar joko du eta tenperatura jaitsi egingo da, 14-15 graduan joaz goia.
2021 abe 21
Tolosaldea
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!