Arratsaldean ordea, fronte bat iritsiko zaigu eta giroak okerrera egingo du. Zerua erabat estalirik egongo da eta euri zaparradak izango ditugu, non tarteka mardul botako duen. Mendebal, ipar-mendebaldeko haizea izango dugu eta tenperaturak behera egingo du, 12-14 graduan joko duelarik goia.
Giro hotza izango dugu bihar, baina ez oso kaskarra. Goizean eta arratsaldeko lehen orduak arte zeruan hodei asko izanagatik, nahiko ateri eutsiko dio eta eguraldi lasaia izango da. Arratsaldean hodeiak trinkotuko dira eta euri pixka bat izango dugu. Hala ere, zaparrada ahul modura izango da eta oso gutxi egingo du. Ipar-ekialdeko haizea izango dugu eta tenperaturak behera egingo du, 9-10 graduan joko duelarik goia.