Goizean hotz handia egingo du eta behe-lainoa agertuko da, baina behe-lainoa altxa ostean eguraldi eguzkitsua izango dugu egun osoz, non hodei solteren bat salbu, zeruan urdina nagusituko den.
Haizeak aldakor joko du, ipar ukitu batekin eta tenperatura zertxobait igoko da, 14-15 graduan joko duelarik goia.
Eguraldi ederrak jarraipena izango du bihar. Goizean hodei batzuk ikusiko ditugu, baina goizak aurrera egin ahala desagertzeko joera hartuko dute eta eguraldi eguzkitsua izango dugu gainontzeko orduetan. Haizeak hegotik joko du, orokorrean ahul eta tenperatura beste koska bat igoko da, 15-16 graduan joaz goia.
2021 aza 10
Tolosaldea
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!