Arratsaldeak aurrera egin ahala ordea, euritarako joera handituko da eta ilunabar, gau partean euri pixka bat egingo du. Haizeak ipar, ipar-mendebaldetik joko du eta tenperatura antzeko balioetan mugituko da, 10-12 graduan joaz goia.
Giro kaskarrarekin jarraituko dugu. Goizean hodei asko izango da zeruan eta euri zaparrada batzuk botako ditu, uneren batean mardulak izango direlarik. Eguerditik aurrera euri gutxiago egingo du eta azken orduetan atertzera egingo du. Haizeak iparraldetik joko du eta tenperatura igo egingo da, 11-13 graduan joaz goia.