Haizeak ipar-mendebaldetik joko du, baina indarra galduko du. Tenperatura ez da 9-11 gradutik pasako. Egiten duena elurretan izango da 1.100-1.200 metrotik gora.
Hobetzeko joera hartuko du eguraldiak bihar. Goizean oraindik hodei asko izango dugu eta hodei hauek zaparradaren bat edo beste utziko dute. Eguerditik aurrera atertzeko joera hartuko du, arratsalde erdirako erabat ateri geratuko da eta ostarte txiki batzuk irekiko dira. Haizeak goizean iparraldetik bizi joko du, baina arratsaldean ipar-ekialdetik finkatu eta indar pixka bat galduko du. Tenperatura ez da 9-11 gradutik pasako. Elur-maila 1.000-1.200 metrotan kokatuko da.
