Arratsaldean zaparrada txiki batzuk izango dira, baina ez da giro euritsua izango eta egun amaieran eguraldi nahiko lasaia geratuko da. Haizeak hego-mendebaldetik zakar joko du eta tenperatura jaitsi egingo da, 20-21 graduan joaz goia.
Eguraldi nahasiarekin jarraituko dugu bihar. Goizean zerua oso estalirik egongo da eta tarteka euri zaparrada batzuk izango dira, uneren batean mardul xamar botatzea baztertu gabe. Eguerditik aurrera eguraldi lasaiagoa izango dugu eta, nahiz eta, uneren batean zaparradaren bat bota dezakeen, orokorrean ateri eutsiko dio. Hego-haize zakarrarekin jarraituko dugu eta tenperaturak koska bat gora egingo du, 21-22 graduan joaz goia.
