Eguerditik aurrera ordea behe-hodeiak ugaritzen joango dira eta arratsalde erditik aurrera zerua nahiko zikin agertuko da. Hala ere, ateri eutsiko dio. Goizean haizea aldakor ibiliko da, arratsaldean iparraldekoa nagusituko delarik eta tenperaturak zertxobait behera egingo du, balio altuenak 19-20 graduan errendituz.
Goizean giro motela izango dugu bihar. Hodeiak nagusi izango dira eta ez da baztertzen euri langar pixka bat egitea. Hala ere, lau tanta izango dira eta gehienean ateri eutsiko dio. Eguerditik aurrera hodeiak saretu egingo dira eta ostarte politak zabalduko dira. Haizeak iparraldetik joko du eta tenperatura beste pixka bat jaitsiko da, 17-19 graduan joaz goia.