Azken orduetan hodei trinkoagoak sartuko zaizkigu, baina inolako ondoriorik gabe. Hego-mendebaldeko haizeak harro joko du eta tenperatura nabarmen igoko da, 26-27 graduan joaz goia.
Nabarmen okertuko zaigu eguraldia bihar. Goizean sartuko den fronte batek zeru estalia eta euri kontuak utziko dizkigu. Euri zaparrada mardulak utziko ditu, non tarteka ekaitzak jo dezakeen eta zaparrada gogorren bat edo beste utzi. Euri gehien goizean eta eguneko erdiko orduetan izango da. Arratsaldeak aurrera egin ahala euria gutxitzen joango da, azken orduetan ateri geratuko delarik. Haizeak ipar-mendebaldetik joko du eta tenperatura nabarmen jaitsiko da, 19-20 graduan joaz goia.
Egun osoan zehar erdi eta goi-mailako hodei batzuk ikusiko ditugu zeruan, baina orokorrean urdina nagusituko da eta eguraldi eguzkitsua izango dugu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!