Giro polita izango dugu gaur. Goizean hodei asko agertuko da zeruan, baina eguerditik aurrera ostarte politak irekiko dira eta arratsalde atsegina geratuko zaigu, egun amaierarako zerua oskarbi samar geratuko delarik.
Haizea goizean aldakor ibiliko da eta arratsaldean ipar-ekialdera egingo du. Tenperatura zertxobait igoko da, 20-21 graduan joaz goia.
Giro ederrak jarraipena izango du bihar. Goizean behe-lainoa agertuko da, baina segituan jasoko du eta goi-hodei batzuk salbu, eguraldi eguzkitsua nagusituko da egun osoz. Haizeak goizean hegotik joko du, baina arratsaldean ipar-mendebaldera aldatuko da. Tenperatura balio altuenak igo egingo dira, 22-23 graduan joaz goia.
2021 ira 30
Tolosaldea
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!