Arratsaldean bero-hodeiak garatuko dira, baina larunbatean bezala ez du ekaitzetara joko eta eguraldia lasaia izango da. Haizea goizean aldakor ibiliko da, hego puntu batekin. Arratsaldean iparraldera aldatuko da. Tenperatura beste pixka bat igoko da, balio altuenak 27-28 graduan errendituz.
Giro beroa izango dugu bihar. Goizean hodeiak eta ostarteak izango dira eta eguraldi polita izango dugu. Arratsaldean, beroaren eraginez bero-hodeiak garatuko dira eta zaparrada trumoitsuren bat edo beste botako duenik ezin da baztertu. Hala ere, aukera txikia da eta leku gehienetan ateri eutsiko dio. Haizeak hegotik harro joko du eta tenperatura igo egingo da, 30-32 graduan joaz goia.