Eguerdirako eguzkiak xurgatuko ditu eta arratsaldean eguraldi eguzkitsua izango dugu. Haizeak aldakor joko du, tarteka ekialdeko ukituarekin eta tenperaturak nabarmen egingo du gora, eguneko erdiko orduetan 28-30 graduan joaz goia.
Giro eguzkitsuarekin jarraituko dugu bihar. Goizean goizetik zerua ia erabat oskarbi mantenduko da eta giro ederraz gozatu ahalko dugu egun osoz. Haizeak hegoaldetik joko du eta tenperatura balio altuenak are gehiago igoko dira horren eraginez, eguneko erdiko orduetan 29-32 gradu bitartean joko dutelarik goia.