Bero handia egingo du gaur. Goizean goizetik zeruan urdina nagusituko da eta eguzkiak gogotik lan egiteko aukera izango du. Azken orduetan hodei baxu batzuk sartuko dira itsasotik, baina inolako ondoriorik gabe.
Goizean haizea hego-ekialdetik ibiliko da. Arratsaldean aldiz ipar-mendebaldera aldatuko da. Tenperatura igo eta 31-33 graduan joko du goia.
Giro lasaiarekin jarraituko dugu bihar. Goizean goi-hodei batzuk salbu, giro eguzkitsua nagusituko da. Arratsaldean ordea, behe-hodeiak ugarituko dira eta zerua zikinago agertuko da. Hala ere, hodei hauek ez dute ondoriorik ekarriko. Haizeak ipar-mendebaldetik joko du, arratsaldean bizi-bizi gainera. Tenperatura jaitsi eta 27-28 graduan joko du goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
