Euria goiz erditik arratsalde erdira botako du eta zaparrada txiki modura. Azken orduetan atertzeko joera hartuko du. Haizeak iparraldetik joko du eta tenperatura balio altuenak antzeko balioetan mugituko dira, 20-21 graduan joaz goia.
Bihar berriz, hobetzeko bidea hartuko du giroak. Goizean hodei ugari izango da zeruan eta oraindik euri pixka bat izango da. Eguerditik aurrera atertu eta arratsaldean zehar ostarte batzuk zabalduko dira. Haizeak ipar-mendebaldetik joko du eta tenperatura balio altuenak zertxobait igoko dira, 21-22 graduan joaz goia.