Arratsaldeak aurrera egin ahala, atertu eta egun amaieran ostarte batzuk ere irekiko dira. Haizeak iparraldetik joko du eta tenperatura balio altuenak are gehiago jaitsiko dira, eguneko erdiko orduetan 21-22 graduan joko dutelarik goia.
Giro eguzkitsua eta beroa izango dugu bihar. Egun osoan zehar goi-hodei batzuk izango dira zeruan, batez ere, egunaren bigarren zatian, baina ez dute trabarik egingo eta eguraldi ederraz gozatu ahalko da. Haizeak hegoaldetik joko du eta tenperaturaren gorakada nabarmena izango da, 29-31 graduan joko duelarik goia.