Eguerditik aurrera ordea, euri zaparradak ugaritu egingo dira eta mardulago egingo du, tarteka gogotik botako du. Azken orduetan atertzeko joera hartuko du eta eguna giro lasaiagoarekin amaituko dugu. Haizeak ipar-mendebaldetik harro joko du eta tenperatura jaitsi egingo da, 17-19 graduan errendituz.
Giro nahiko lasaia izango dugu bihar. Hodeitza trinko samarra izango da egun osoan zehar, baina orokorrean ateri eutsiko dio eta nahiko giro atsegina izango dugu. Haizeak mendebaldetik harro samar joko du eta tenperatura igo egingo da, balio altuenak 19-20 graduan joko dutelarik goia.