Haizeak hego-mendebaldetik joko du arratsalde erdi arte. Ordutik aurrera mendebaldera aldatuko da. Tenperatura antzeko balioetan edo zertxobait gorago: 23-25 graduan joaz goia.
Ezin sosegatuz ibiliko da giroa bihar. Goizean euri zaparrada txikiren bat edo beste izango dugu. Eguerdi, arratsaldeko lehen orduetan giro ateria eta lasaia izango dugu, ostarteren bat edo besterekin. Arratsalde erditik aurrera berriz ere, hodeitza trinkotu eta euri zaparradaren bat edo beste izango da. Haizeak mendebaldetik harro joko du eta tenperatura balio altuenak 23-25 graduan errendituko dira.