Egun osoan zerua oso hodeitsu agertuko da eta hodei hauek euria ere utziko dute. Euria egun osoz egingo du, baina egunaren bigarren zatian ekaitzak jo eta zaparrada gogorrak bota ditzake, kazkabarra egitea eta haize bolada gogorrak izatea baztertu gabe.
Haizeak ipar-mendebaldetik joko du eta tenperatura balio altuenak asko jaitsiko dira, 19-20 graduan joaz goia.
Giro ezegonkorrak jarraipena izango du bihar. Goizean nahiko giro lasaia izango da, hodeiak eta ostarteak tartekatuko direlarik. Arratsaldean berriz ere bero-hodeiak garatuko dira eta ekaitzetara joko du, uneren batean zaparrada gogorren bat izan daitekeelarik, txingorra botatzea baztertu gabe. Haizeak ipar-ekialdetik joko du eta tenperatura igo egingo da, 23-24 graduan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
