Goizean euri txiki moduan botako du, baina oso gutxi eta orokorrean ateri eutsiko dio. Arratsaldean ordea, berriz ere ezegonkortasunaren eraginez, zaparrada mardulagoak izango dira, ekaitzak jotzea baztertu gabe. Haizeak ipar mendebaldetik joko du eta tenperatura asko jaitsiko da, balio altuenak 18-19 graduan errendituz.
Giro goibelarekin jarraituko dugu bihar. Egun osoan zehar hodeiak nagusituko dira eta euri zaparrada batzuk izango ditugu, tarteka mardulak izango direlarik, ekaitzak jotzea baztertu gabe. Egunaren azken orduetan atertzeko joera hartuko du. Haizeak ipar-mendebaldetik jotzen jarraituko du eta tenperatura antzeko mantenduko da, 17-18 graduan joaz goia.