Zaparradak sarri samar egingo ditu eta une batzuetan mardul botako du gainera. Haizea aldakor ibiliko da, arratsaldean ipar-mendebaldeko ukitu batekin eta tenperatura jaitsi egingo da, 17-18 graduan joaz goia.
Hobetzeko bidea hartuko du eguraldiak bihar. Goizean zerua oso hodeitsu agertuko da eta tarteka euri zaparrada batzuk izango dira. Eguerditik aurrera atertu eta ostarte batzuk zabalduko dira, arratsaldea giro argiagoarekin emango dugularik. Haizea ipar-mendebaldetik ibiliko da eta tenperatura balio altuenak 17-18 graduan errendituko dira.