Haizeak hegoaldetik joko du, tarteka bolada bizi batzuekin eta tenperatura balio altuenek nabarmen gora egingo dute, eguneko erdiko orduetan 30-31 gradu berotan joaz goia.
Aldaketa eguna izango dugu biharkoa. Goizean hodeiak eta ostarteak izanagatik, zeruan urdina nagusituko da eta eguraldi ederra izango dugu. Arratsaldean ordea bero-hodeiak garatuko dira, zerua estali egingo dute eta euritara joko du, non tarteka ekaitzak jo eta zaparrada handi xamarrak bota ditzakeen. Haizea goizean hego-mendebaldetik ibiliko da. Arratsaldean ipar-mendebaldera aldatu eta indar pixka bat hartuko du. Tenperatura balio altuenak 27-28 graduan errendituko dira, baina arratsaldean nabarmen freskatzeko joera hartuko du.