Hobetzeko joera izango du eguraldiak. Eguerdi aldera bitarte, zeruan hodeitza handia izango da eta oraindik euri-langar modura, zer edo zer bustiko du.
Eguerditik aurrera atertzeko joera izango du eguraldiak eta azken orduetan ostarte batzuk ere zabalduko dira. Haizeak arratsalde erdira arte ipar-mendebaldetik joko du. Ondoren aldatu eta azken orduetan hego-ekialdetik finkatuko da. Tenperatura ez da 14-16 gradutik pasako.
Eguraldi eguzkitsu eta egonkorra bueltan izango da bihar. Egun osoan ia ez da hodeirik ikusiko zeruan eta eguraldi eguzkitsu eta bikaina izango dugu. Haizeak hego-ekialdetik joko du, ahul eta tenperatura nabarmen igoko da, eguneko erdiko orduetan 20-22 graduan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
