Haizeak ipar/ipar-mendebaldeko norabidea izango du eta tenperatura balio altuenak jaitsi egingo dira, eguneko erdiko orduetan 14-15 graduan joaz goia.
Bihar giro motelarekin jarraituko dugu. Goizean zeruan hodei asko izanagatik, nahiko ateri eutsiko dio eta tarteka ostarteren bat ere agertuko da. Arratsaldean ordea, zerua erabat estali eta euritara joko du. Zaparradak orokorrean ahulak izango dira, baina ez da baztertzen barnealdetik zaparrada mardulagoren bat sartzea. Haizeak ipar/ipar-mendebaldetik joko du eta tenperatura balio altuenak ez dira 13-15 gradutik pasako.