Tarteka erdi eta goi-mailako hodeiren bat edo beste agertuko den arren, ostarteak zabalak izango dira eta eguzkiak gogotik lan egiteko aukera izango du. haizeak hego-ekialdetik zakar samar joko du eta tenperatura balio altuenak igo egingo dira, 25-26 graduan joko dutelarik goia. Ez da baztertzen Tolosaldeko txokorik beroenetan gorago geratzea.
Bihar ezegonkortu egingo da eguraldia. Goizean bertan jada zerua erdi eta goi-mailako hodeiez zikinduta agertuko zaigu. Hala ere, ez da euririk espero. Arratsaldean ordea, bero-hodeiak garatuko dira eta barnealdetik zaparradak iritsiko zaizkigu, non tarteka ekaitzak jo eta zaparrada gogorragoren bat bota dezakeen. Haizeak hego-ekialdetik jotzen jarraituko du, baina indarra galduko du eta tenperatura zertxobait jaitsiko da, 22-23 graduan joaz goia.