Arratsaldean erdi eta goi-mailako hodeiren presentzia zertxobait areagotuko da, baina ez dute inolako ondoriorik ekarriko. Hego-ekialdeko haizeak joko du eta tenperatura balio altuenak igo egingo dira, 21-22 graduan goia joaz.
Bihar bero kontuak izango ditugu. Egun osoan zehar eguraldi eguzkitsua izango dugu nagusi. Tarteka erdi eta goi-mailako hodeiren bat edo beste agertuko den arren, ostarteak zabalak izango dira eta eguzkiak gogotik lan egiteko aukera izango du. Haizeak hego-ekialdetik zakar samar joko du eta tenperatura balio altuenak igo egingo dira, 25-26 graduan joko dutelarik goia. Ez da baztertzen Tolosaldeko txokorik beroenetan gorago geratzea.