Arratsaldeak aurrera egin ahala hodei geruza saretzen joango da, egun amaierarako zeruan ostarte zabalak izango ditugularik. Haizeak hego-ekialdetik joko du eta tenperatura balio altuenak antzeko balioetan mugituko dira, 18-19 graduan joaz goia.
Eguraldi eguzkitsu eta epela izango dugu bihar. Goizean zerua ia erabat garbi agertuko zaigu, nahiz eta, uneren batean goi-mailako hodeiren bat ikusi. Arratsaldean erdi eta goi-mailako hodeien presentzia zertxobait areagotuko da, baina ez dute inolako ondoriorik ekarriko. Hego-ekialdeko haizeak joko du eta tenperatura balio altuenak igo egingo dira, 21-22 graduan joaz goia.