Moteletik hasiko dugu eguna

Erabiltzailearen aurpegia

Orduek aurrera egin ahala, eguraldiak hobera egingo du. Goizean hodei tapakia trinko samarra izango da eta euri-langar pixka bat ere izango da.

Goiz erdi-eguerdirako atertu egingo du eta arratsaldean hodeitza saretuago agertuko da, ostarte batzuekin. Haizeak iparraldetik bizi samar jotzen jarraituko du eta tenperatura balio altuenak ez dira 10-12 gradutik pasako. Egiten duen prezipitazio apurra, elurretan izango da 1.000 metrotik gora.

Goiz partean hodeitza trinkoagoa agertuko da biharkoan eta egunsentian euri-langar pixka bat egitea ez da baztertzen. Hala ere, goiz erdirako ostarteak nagusitzen joango dira eta arratsaldean eguraldi eguzkitsua geratuko zaigu. Haizeak ipar-ekialdetik ahul joko du eta tenperatura balio altuenak igo egingo dira, 15-16 graduan joaz goia.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!