Arratsaldeko lehen ordutik aurrera ordea, fronte baten bisita izango dugu, eguraldia ezegonkortu egingo da eta euritara joko du. Zaparradak gehienbat arratsalde erditik aurrera etorriko dira, tarteka mardul botako du eta ez da baztertzen ekaitzak jotzea. Haizeak goizean hego-mendebaldetik joko du eta arratsaldean aldiz ipar-mendebaldetik. Tenperatura balio altuenak 19-20 graduan errendituko dira.
Eguraldi kaskarra izango dugu bihar. Egun osoan zehar zerua erabat estalirik egongo da eta euritarako joera izango du eguraldiak. Goizean zaparrada mardulagoak botako ditu eta nahiko sarri botako du. Arratsaldean euri gutxiago egingo du eta tartekatuago, baina ez du atertzerik lortuko. Haizeak ipar-mendebaldetik harro joko du eta tenperatura balio altuenak nabarmen jaitsiko dira, 12-13 graduan joaz goia. Egunaren bigarren zatian elurra 1.000 metrotan kokatuko da.