Giro ederrarekin jarraituko dugu

Erabiltzailearen aurpegia

Goizean zerua garbiago agertuko da eta, nahiz eta, tarteka hodeiren bat edo beste ikusi, eguraldi ederra izango da. 

Arratsaldean erdi eta goi-mailako hodei gehiago agertuko da, baina ez dute bestelako ondoriorik ekarriko. Haizeak hegotik, tarteka harro joko du eta tenperatura nabarmen igoko da, balio altuenak 21-22 graduan errendituz.

Bihar giroa ezegonkortu egingo da zertxobait. Goizean erdi eta goi-mailako hodei batzuk agertuko badira ere, giroa lasaia eta argia izango da. Arratsaldean ordea, hodei-geruza trinkotu egingo da eta hegoaldetik euri zaparradaren bat edo beste sartuko da, uneren batean ekaitz kutsukoak izatea baztertu gabe. Haizeak hegotik tarteka harro joko du eta tenperatura balio altuenek koska bat behera egingo dute, 20-21 graduan joaz goia.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!