Arratsaldeko lehen ordutik aurrera ordea, fronte ahul bat gerturatu, zerua estali eta euri-langar modura zaparradaren bat edo beste izango dugu, batez ere, ilunabar-gau partean. Haizeak ipar-mendebaldetik joko du eta tenperatura balio altuenak 15-17 graduan errendituko dira.
Hobetzera egingo du eguraldiak bihar. Goizean hodei-tapaki handia izango da oraindik eta ez da baztertzen lehen orduetan euri txiki moduan zer edo zer bustitzea. Eguerditik aurrera atertu eta ostarte zabalak irekiko dira, eguna amaitzerako zerua garbi geratuz. Haizea ipar-ekialdetik ibiliko da eta tenperatura zertxobait jaitsiko da, goia 14-15 graduan joaz.