Arratsaldean aldiz atertu eta pixkanaka hodeitza saretzen joango da, egun amaierarako ostarte batzuk zabalduko direlarik. Haizeak ipar-mendebaldetik joko du eta tenperatura balio altuenak ez dira 10-12 gradutik pasako.
Eguraldi eguzkitsua izango dugu bihar. Goizeko behe-lainoa altxa ostean, eguraldi eguzkitsua nagusituko zaigu egun osoz. Egunaren bigarren zatian erdi eta goi-mailako hodei gehiago agertuko dira baina ez dute bestelako ondoriorik ekarriko. Haizeak hego ukitu bat izango du eta tenperatura balio altuenak nabarmen igoko dira, 15-16 graduan joaz goia.