Eguerdian ordea haizeak ipar-mendebaldera egingo du, zerua estaltzen joango da eta arratsaldean fronte baten bisita izango dugu. Euri zaparrada mardulak utziko ditu eta gainera tarteka ekaitzak jo eta zaparrada gogorren bat edo beste ere izango da. Arratsaldean nabarmen hoztuko du.
Astea euriarekin hasiko dugu. Goizean giro bustia izango dugu oraindik. Frontearen azken hondarrak izango dira eta oraindik zaparradaren bat edo beste emango da. Eguerditik aurrera haizeak hego-mendebaldera egingo du, atertu eta ostarte batzuk zabalduko dira. Tenperatura asko jaitsiko da eta balio altuenak ez dira 10-12 gradutik pasako. Goizean egiten duena 1.200 metrotik gora elurretan izango da.