Arratsaldeak aurrera egin ahala ordea hodeitza trinkotuko da, zerua estalirik geratuko da eta azken orduetan euri pixka bat ere izango da, nahiz eta, oso gutxi bota. Haizeak goizean hegotik zakar joko du; arratsaldean ahuldu eta mendebaldetik kokatuko da eta tenperatura balio altuenak 15-17 graduan errendituko dira.
Giro atseginarekin jarraituko dugu bihar. Goizean hodeiak eta ostarteak izango dira, baina berriz ere ostarteak gailenduko dira zeruan. Arratsaldeak aurrera egin ahala, berriz ere hodeitza areagotu egingo da, egun amaierarako zerua estalirik geratuz. Hala ere, ez da euririk espero. Haizeak hego-mendebaldetik zakar joko du eta tenperatura balio altuenak 16-18 graduan errendituko dira.